هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
ادارة منتديات العيون النجلا ترحب بجميع الاعضاء والزوارالكرام ونتمنى لكم قضاء وقت ممتع ومفيد معنا ونتمنى مشاركتكم وتفاعلكم معنا في الرقي بالمنتدى...نحن دائما في خدمة اعضاء المنتدى...شارك معنا..ابدع علي جدران المنتدى..عيش المتعة مع احلي اخوان واحلي اخوات دائما.
حبني على كيفـك وكيـف ماتحـب تقفـي وتبعـد ولا تبـدي أسبـاب بصدق وجودك في حياتي ولوكـذب وبااتبع أوهامي ولو كانـت سـراب ياأكثر مـن كلمـة أحبـك و أعـذب يأول نظره خذتني وكلـي لهـا ذاب خذيتني وأقفيـت ياماأطـول الـدرب كيف أوصلك وأنت بعـد السحـاب
*******
يازين خربت بعد فرقاك الاوضاع واختلت الاحوال .. والحال رثه اشيل قلب ٍ بين الاضلاع ..ينزاع من حر شوق ٍ في ضلوعي يبثه ماطاعني ينساك ياعذب الاطباع ولاصبر .. وانا على الصبر احثه والظاهر اني (بانكبه) كان ماطاع واواعدك واودعك .. لجل اغثه اما يجنب عن غرامك وينصاع والا يعود داخل الصدر .. جثه
نهلي بك يابعد دنيا غدت عقبك بدون الوان...... هلا يأطيب بشر بالكون هلا بك ياصافي النيه هلا يصرخ بها لساني بصوت منتهي ولهان يرددها بدون شعور هلا للمره الميـــــه.
******
يمكن يضيع الشوق في داخل انسان ويمكن يضيع انسان من كثرة الشوق الشوق لوعة وانتظار و حرمـــــــان وآهات ليل و دمع وإحساس مخنــوق تلعب به الدنيا على كف الأحـــزان وكم خافق من حرقة الشــوق ظميان
******
ياطير بلغ صاحبي كان تلقاه ياطير عن فرقاي ياما نهيته ياطير عقبه مقعد الطيب عفناه والهم بين ضلوع صدري طويته ياطير ذا منزله وذاك ماطاه وهذا مراحه وذا يوم التقيته ياطير هذي قصتي كان تلقاه عطه القصيد كان مرك وجيته
*******
قلي من اللي يحمل الهم عني ؟؟؟
لا غبت لحظه عن عيوني وقفيت
ليه الصدود وليه هذا التغلي ؟؟؟
أنا أشهد انك في عذابي تمااااديت
ان كان قصدك بالغلا تمتحني ؟
انت الوحيد بداخل القلب ((( لك بيت )))
*******
باسم كل كلمة كتبها قلبي... باسم المحبه الصادقه... باسم الشوق والوله اللي فينا ... باسم الدمعه اللي بعيوني... باسم البعد اللي نعانيه... باسم الوداع اللي ما نبيه.. باسمي واسم قلبي
(( أحبك موووووت ))
******
تــاهت الخطوةعلى الدرب البعيد والمشاعر همها ... ذاك السؤال هو صحيح اللي مضى يرجـع يعيــد ؟ وترجع أيام المحبة والوصال ؟ ولوصحيح الحـب به عبـد وسيـد انت سيدي وانت عمي والخوال. ******
الا ياخوي لاتسأل.. عن اللي حطم أحلامي عن الدمعة عن النظرة الحزينه
وانا مخبي لك بقلبي كلام يطــــــــــــــول في شرحه
أبي لو شفتك بعيني وجت ايدك على ايديني
أبحكي لك أبشكي لك إذا تسمح أببكي لك
بقولك يابعد عمري
انا لك وش كثر مشتـــــــــــــــــــــــــــــــــــــــــــــــ ــــــــــــاق
والله أحبك مووووت
لو يموت الصدق في أحضان السكوت والزعل يسكن بيوت
والفراق يصير عادي والكذب في كل وادي ويصبح الأبيض رمادي
والفرح يلبس سواد
ويعلن الحب الحداد
مايغير في فؤادي
قلتها بمليون صوت
أحبـــــــــــــــــــــك موووووت ..
بعض المواقف تجي وتروح ماتبقى..
وبعض المواقف صداها بالعمر باقي..
ياصاحبي لامعي تتعب ولا تشقى..
يتبدل الوقت واخلاقي هي اخلاقي
ان جيت أرحب واذا ماجيتني تبقى..
انت أكثر انسان عزيته من اعماقي ..
************ فرحي في بعدك حزني والشوق والحنين دمعي يا أغلى الحبايب الوله ذبحني يوم يومين !! وربي مل صبري
قولوله حبه في دمي يسري قولوله أحبه بجنون وربي أنا لو أسافر سنين مو يوم ولا يمكن للحظة أنسى حبي
تعلمت ما أشكي وألوم لأن عمر الحزن ما يدوم والعمر نعيشه مرة لا نعيشه بالحزن واللوم
إخترتك من بين الناس يا راقي الذوق والإحساس يا جوهر مكنون وبريق الإلماس أحبك ولو إختلفت الأجناس
الزمن يفرض سؤاله كل أجابته محال السعادة شيئ واضح ولا من وحي الخيال كلنا محد سلم من تعاسه أو الم بس من هو اللي فينا من وسط قلبه أبتسم أنا مو قصدي تشاؤم ولابجراحك أساهم أنا من قلبي أحاول ألقى بس إنسان فاهم
أنا ورقه .. أنا قصه قديمه مالها عنوان .. أنا دمعه .. أنا ذكرى .. أنا اللي كان إنسان .. أنا صورة من الماضي .. أنا الماضي بلا معنى .. طفوله .. مابها بسمه .. رسمها بالدمع فنان
أجمع أحزانك وهمك والعذاب... وهلهافي وسط صدري هلها... لاتخاف من الملامهوالعتاب... دام أنا راضي سيوفك سلها... فدوتك " روح "تحبك ماتهاب... تتجه للمــــــــوت لـــو تشر لها ... تمشي بشورك ولو شورك خراب... نعنبو " روح "تعاند خلها ...
لاتسألوني وش جرى في حياتي خلو همومي بالحشى مستقره الصمت ثوبي والمواجع عباتي والحزن كله وسط قلبي مقره لو استعيد بواقعي ذكرياتي احيا واموت بالثانيه الف مره همي يجيني من جميع الجهاتي تجاوز حدود الفلك والمجره
لا تنصدم لاقلت انا اليوم ما بيك القلب عافك وانتهى اليوم دورك اعميتنى بحبك عسى الله يعميك ورميتنى يا زين بآعمق بحورك يالله توكل لا تجينى ولآجيك يالله حبيبى قوم رتب امورك
عندى سؤال وخابر ان فيه تجريح لكن ضرورى تسمعه بآنبساطى ارفعك بيدى للسماء وترجع تطيح قلى شسوى فيك لا صرت واطى
والله مانى من فراقك ما بكيت من زينها دنياك عشان ابكى عليها
كلمة احبك غاليه بين الاحباب لاقالها خلي احس بغلاها اعطش لها دايم وادور لها اسباب ابيه ينطقها يردد صداها كن العسل من شفته فوقها ذاب زود على كلمة احبك حلاها ياليتني وياه في صفحة كتاب قصة غراام وكل عاشق قراها
----
انا الذي من شوف الاحباب محروم.. والله يكفي شر زلات الاقدام.. قبل امس مع ربعي سواليف وعلوم.. واليوم طاويني هواجيس وهيام.. اضحك ضحى قبل امس وابكي ضحى اليوم.. مااسرع دورات الليالي والايام..
---------
على ذاك الجدار اللي على حد البيوت وقفت وهاجس الذكرى نفض غباره.. وفي ذاك المكان ثبت إن الآدمي من طين تخيل يوم لمسته تنهد من شقا ناره.. سألني وقال أنا أذكر تجوني اثنين بكيت وقلت صدقني رحل وانقطعت أخباره
---------------
تذكرصاحبك وارجع تقرب له ولوبالصوت على آخرنفس واقف تجي ولا يجيه الموت وأشوف الموت أحرص منك وأشوف إنك تبي موته وأخاف إنك بعدموته تحن وتفتح التابوت وأخاف من القهر يقفل في وجهك باب تابوته
--------------------
شخص تلاشى صـورته (( بعد فرقاه )) وشخص تموت بصورته (( ما نســـــيته )) وشخص تباشر بالمطر (( يوم تلقاه )) ولو في يدك تعطيه >>>> عــمــرك<<<< (( عطيته ))
-------------
انا وقلبي والزمن والمعاناه مدري نخون الحب والانصونه خلوني اخذ سجة الحب وياه يتقبل طعوني واتقبل طعونه اكذب على نفسي اذا قلت بنساه لاتجرحون الحب لاتجرحونه تكفون خلوني اباعيش دنياه واللــــه ماتسوى حياتي بدونه
---------------
روُح وروح وابعد بدنياك يامتعب قلبي بصدك لقياك أصبح مثل فرقاك والبحر مده غير مدك والدرب اللي ضحكك بكاك موت وتكوى بنار حقدك
----------
تعرف وش العذاب على أصوله! العذاب انك تحب انسان ما يعرف غلاتك؟ العذاب انك تحب انسان يتجاهل حدودك! العذاب انك تعذب كل قلب بشوف قلبك! العذاب تعيش بعالمك من دون حب! العذاب يموت قلبك ولا أحد يعرف بموته!!!
--------------------- بعض المواقف تجي وتروح ماتبقى…وبعض المواقف صداها بالعمر باقي…ياصاحبي لامعي تتعب ولاتشقى…يتبدل الوقت واخلاقي هي اخلاقي…إن جيت”أرحب”واذاما جيتني”تبقى…انت اكثر انسان عزيته من اعماقي”.
--------------------------
ياصاحبي جعل ربي يخليك ارفق بقلبي وارحمه ياحياتي ارحم غريق في غرامك يراعيك بعدك عذاب وشوف زولك غناتي بين العرب هواجس القلب تطريك وماظن ينسى من يسوي سواتي متعلق قلبي بحبك ويغليك وعسى غلاكم مايسبب وفاته
-------------
اجمل زمن في ظل حبك قضيته واحلى قصيده قلتها فيك ولهان العين تهوى كل درب مشيته والرجل تاطي لك شعوب ووديان حبك هواي لي في الحياة ارتجيته وعرفت في قربك غلا كلمة انسان
-------------------
انا رفيق الجرح من صغر سني والجلرح له في داخلي الف عنوان ياسيدي! هم البشر صار مني واصبحت انا تمثاللهموم انسان كل الوجيه تشابهت حد ضني ماعاد اميز بين صادق وخوان ياصاحبي لاتنشد الجرح عني كل السوالف كذب صمت وحرمان
--------------------
حالي ترى بفراقكم صار ماهو حال والعين ملت من بعدكم نظرها مرت علينا ايام اجيال اجيال وروحي عليكم ذايبه من قهرها مليت انا نفسي ومليت هالحال وبعدك ترا هالحال كلن دمرها
---------------------
هلت دموع العين عند الوداع وارسلت دموعها شوق وحنين قال ودع مايفيد الامتناع الشقي مقسوم مير الله يعين ياحسايف وقتنا والعمر ضاع نجتمع يومين والفرقا سنين
--------------------
قبل اتصالك تجي لهاتفي حاله يهتز لو ميزه الهزاز ملغيه يتنهد من الفرح ويسوق مواله وتظهر على شاشته العاب ناريه غلطان من يعرفك ويصك جواله المفروض تحسب عليه رسوم اضافيه ***************** ياللـي كتبتـي مـن دم القـلـب حـبّـك الله حسيبـك كـيـف هــان ومحيتـيـه يــا هـاجـرة مــا خـفـتـي الله ربـــك في قلبي اللي طـول عمـرك ملكتيـه
-----------------
ودك تعرف غلاك وشقد؟ أنا أسألك وجاوبني بجد.. هي السماء تنتهي بحد؟ أو البحر ينتهي بسد؟ أو الرمل تلقاله عد؟ لا لقيت جواب أو رد وقتها بتعرف غلاك وشقد!!!!
ياللي حرمت القلب مبطي من الصوت لاتحرمه.هالحين.رد الرسالـــــــــــه أيام عمري معك لحظات وتفوت وش تنتظر لاضاع عمري بدالـــــــــــه يعني عشان اسمك على القلب منحوت معاد تسأل صاحبك كيف حالــــــــــــه.
----------------------------
((محتاجلك))بدنيا قست فيها قلوب البشر،،، ((محتاجلك))في وقت تعب مني الصبر،،، ((وياخوفي)) تغيب والوقت علي يمر،،، ((وياخوفي))ماألقاك والدنيابعدك ماتسر،،، حبيبي… ~تعال ولاتنسى قلب~ ~صانك ولاعمره غدر
---------------
الشاهد الله بدونك ضايق صدري يفز قلبي لاجابك الطاري. . . . أنا ذبحني غيابك؟!؟! وإنت ماتدري قلبك بعيد وعيونك تسكن أفكاري . . . أسوق عمري غلا يوم الغلامشري وأبيع كل البشر وأصير لك شاري….
----------------
أناالجـــنون بحد ذاته وصلته٠ أصل الجـــنون هيام عاشق بمعشوق٠٠ إحساس لك في داخلي لووصفته٠ يعجز لساني مايعــبر بمنطوق٠٠ وتبي الحقيــقه آخر الحب خفته٠ ؟؟ خـوفي من الله لاأعبدك وأنت مخلوق.
-----------------
الروح ولهانه على شوف شــــرواك وإن ماحصل قلنــا عليها السلامـــي القلب واحد والمشـــاعر ترجـــــاك ترجي وصالك قبل دفن العظـــامي تبقى رفيــــــق الروح والروح تفداك ويفداك عمري يارفيـع المقـــــــامي
---------------------------
الوفا طبعك وانا طبعي القصور واعتذر منك ولو مالي عذر الغلا بالقلب لا يمكن يبور ناذر منساك يالغالي نذر لك بوسط القلب يالغالي جذور وكيف يحيا القلب لا مات الجذور
--------------
إنتظرتك ليه طولت الغياب وأنت لامن غبت لحظات افقدك جمرةاشواقي تناديك بعتاب كيف جالك قلب تنسى موعدك؟ سيد الإحساس حسك كيف غاب كيف عن دافي شعوري يبعدك وادري إنك ماتأخرت بغياب بس أناإللي دايم أسبق موعدك
----------
أبطيت أنا ماشفتكم يــا هل الطيب يا أهل الوفاء وأهــــل القلوب النظيفه والحظ يخطي بعـــض مرات ويصيب ياليت حض الأدمـــــي حسب كيفه وذكر النشاما مثــــــل شرواك مايغيب والكفو مثلك ما نحصل وصيفـــــــه
---------------------
ان قلت احطك داخل العين عييت” خايف يحول الرمش بينك وبيني” وان قلت احطك داخل القلب لك بيت” صعب علي اخفيك عن نظرعيني” ودي اشوفك كل ما اصبحت وامسيت” ممساك في قلبي وصبحك بعيني”
----------------------
على بالي طريت وكيف ماتطري على بالي …؟ وأنا اللي مستحـــــيل أنساك في حلك….وترحالك ! ترى ماكل شخـــــــص أستقبله وأشرح له أحوالي … ولاكل البشر عندي مثل قدرك …ومنزالك .! خــــــspecialـــــاص
------------------------
تعب قلبي من الأصحاب وحارت فيهم أبياتي. أحد صادق وأحد كذاب وأحد يفرح لزلاتي. وأحد يجرح بلا أسباب وأحد بلسم جراحاتي. ووحدك أجمل الأحباب ووحدك صرت في ذاتي. ولك {وحدك} فؤادي ذاب ولك {وحدك} تحياتي!
---------------------
ردعلي بدافي الصوت لاأموت.. عطني حنان الصوت لوماتجيني!! ياليت ماأسمع غير صوتك ولاصوت…!! صوتك يحرك كل الاحساس فيني… وش ينفعك لاجتك… ~روحي~ فتابوت وقالوا: ~توفي~ ومطالبه كآن… “صوتك”…
-----------------
” ماللعمر في بعض الأيام قيمة..” ” لاغاب عنك من تعزه وتغليه..” “تصبح حياتك في بعاده سقيمه..” ”ويفز قلبك كل ماجاك طاريه..” ”دام المحبه تمطر الوجد غيمه “ ”وصل الحبايب عهد لازم نوفيه..”
----------------
لاتعاتبني على قل إتصالي.. ودي إني كل لحظه متصل بك.. في غيابك.! تصفق اليمنى شمالي وفي حضورك.! ينطق إحساسي بحبك لاتعاتبني على قل إتصالي ماكفاك إن…! _.-”-._قلبي_.-”-._ ~ مـــتــصـــل بك ~
---------
ليت الوجع بعروق قلبي ولافيك.. وليت التعب غلطان ساهي ولاجاك.. لو الشفا بضلوع صدري لاداويك.. وأطحن جميع ضلوع صدري فداياك.. الله من شرالمقادير يحميك.. والله يحفظك ياحبي
starpower
. : . : . : المهنه : عدد المساهمات : 1514تاريخ الميلاد : 16/08/1994 mms :
موضوع: رد: رســـــــائـــــــــــــــل حــــــــــــــــــــــــــــــــــــب الإثنين أكتوبر 25, 2010 5:41 am
مشكور على المجهود الرائع
وتسلم على الرسائل الحلوه
Admin .
. : . : . : الجنس : المهنه : عدد المساهمات : 1605تاريخ الميلاد : 12/10/1988 mms : . : [table style="WIDTH: 250px; HEIGHT: 200px" border=1][tr][td]
[/td][/tr][/table]
موضوع: رد: رســـــــائـــــــــــــــل حــــــــــــــــــــــــــــــــــــب الثلاثاء أكتوبر 26, 2010 3:08 am
جميع الآراء والتعليقات المطروحة بأسماء أصحابها أو بأسماء مستعارة لا تمثل بالضرورة الرأي الرسمي للمنتدى بل تمثل وجهة نظر كاتبها »» إبراء ذمة إدارة المنتدى ، امام الله وامام جميع الزوار والاعضاء ، على مايحدث من تعارف بين الاعضاء او زوار على مايخالف ديننا الحنيف
[/td][/tr][/table]
موضوع: رســـــــائـــــــــــــــل حــــــــــــــــــــــــــــــــــــب 
