الأماكن
حـكـاية إحساس
تأليف: مرام الجريبي
بتاريخ:22-12-1429هـ,[الساعة 10:30ص]
,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’,’’,’,’,’,’,’,’,’,’,’,’,’,’,’,’,’,’,
الفصل الأول
..{الأماكن{..
مسكت شموخ قلمها وكتبت على واحد من جدران غرفتها طالعت في الجدار بعد ما خلصت وسرحت بعيد وهي تغني بصوتها الحلو أغنيتها اللي تحبها من قلب:
""الأماكن كلها مشتاقه لك..
والعيون اللي أنرسم فيها خيالك..
والحنين اللي سرا روحي و جالك ...
ما هو بس آنا حبيبي.. الأماكن كلها مشتاقه لك..
كل شي حولي يذكرني بشي..
حتى صوتي وضحكتي لك فيها شي ..
لو تغيب الدنيا عمرك ما تغيب ..
شوف حالي آه من تطري علي..""
دخل ولد أخوها محمد يستهبل كالعاده ,لأنه كل ما دخل عندها لقيها تغنيها,كمل معاها بمأساويه بصوته النشاز: الأمااااااااااااااااااااااكن...ترا ترا ترا...الأمااااااااكن...ترا ترا ترا.....الأماااااااااااااااااااااكن.....ترا ترا ترا...الأماكن كلها مشتاقه لك..
كملو برواق مع بعض:
""المشاعر في غيابك زاد فيها كل صوت..
والليااالي من عذااابك عذبت فيني السكوت...
وصرت خايف لا تجيني لحضه يذبل فيها قلبي..... وكل أوراقي تمووت..
واااااااااااااااه آه .......اااااااااااااه ..آه ..آه..
لو تدري حبيبي كيف أيامي بدونك...تسرق العمر وتخون...
وااااااااااااه آه .......اااااااااااه ..آه ..آه..
آه يا الأمان وين الأمان؟؟...
أنا قلبي من رحلت!! ...ما عرف طعم الأمان...
واااااااااااااااه آه .......اااااااااااااه ..آه ..آه..
ليه كل ما جيت أسأل هالمكان ؟؟...أسمع الماضي يقوول...أسمع الماضي يقوول..
مــــــــــــــا هو بس آنا حبيبي...
الأمااااااكن...ترا ترا ترا...الأمااااااااكن.ترا ترا ترا.....الأماااااكن.....ترا ترا ترا...الأماكن كلها مشتاقه لك..""
إلا وبدخلة أبو محمد يكمل معاهم الموال:
"الأماكن اللي مريت أنته فيها.. عايش بروحي و أبيها..
بس لكن ما لقيييييتك... "
يوقف محمد وأبو محمد ويسمعون صوتها الحلو,تكمل:
"جيت قبل العطر يبرد...
قبل حتى يذووووب في صمت الكلااااام..
وأحتريييتك.."
محمد يستهبل:تيرم تيرم تيرا..
شموخ تطنش وتكمل:
"كنت أظن الرييييييييييييييح جابت عطرك يسلم علي..
كنت أظن الشووووووووووق جابك تجلس بجنبي شوي..
محمد يكمل يستهبل:تيرم تيرم تيرم..
شموخ :
"كنت أظن وكنت أظن وخاب ظني ..
وما بقى بالعمر شي ...وأحتريييتك...
وكنت أظن وكنت أظن وخاب ظني ..
وما بقى بالعمر شي ...وأحتريييتك..."
صفقوا كلهم بحماس ومحمد يصفر ويصارخ:أروووح ملح وشطه على ذا الصوت والله..
قال أبو محمد بجديه:يالله بلا استهبال وأنزلوا الغدا بيبرد...
هم سمعوا كلمة غدا على طول نزلوا وسابوا أبو محمد في الغرفه,قال أبو محمد:أ يالـ...
ونزل تحت يتغدا معاهم,وعلى ما يخلصوا غدا راح أعرفكم بالعائله الكريمه,
أولهم والكبير (أبو محمد)متزوج بدويه من عايلة شموخ_راح تفهمون بعدين_ وعنده أربع عيال اللي هم: محمد(23سنه)أسامه(20سنه),نوال(19سنه),,حمد(16سنه).
وعايشه مع أبو محمد أخته شموخ اللي هي بطله القصه,عمرها (20سنه),عندها شهادة ثانويه عامه بنسبة(95,97%),وما كملت جامعه وراح تعرفون الأسباب.
شموخ هذي وحده كلمه حلوه قليله في حقها,هي جميله جمال سبحان الله اللي خلقها ,شعرها بني كثيف أنعم من الحرير نفسه,وجسمها كله ينبض بالأنوثه ,طولها160, لون عيونها أخضر عشبي غامق,و وساع بشكل حلو مره تتغير درجه لون عيونها على حسب حالتها النفسيه,بشرتها بيضا صافيه و شفايفها ورديه مليانه, وأسنانها تقولون عنها لولو مرتب جنب بعض,وحواجبها زي ما خلقها ربي ما تلعب فيها,عريظه نسبياً لكنها مممممرررررره محليه وجهها الحلو,وخشمها طالع زي خشم أبوها ,سلة سيف يوقف عليه صقر لكنه صغير على قد وجهها,وربي معطيها كل شي من جمال ومال وأخلاق وناس يحبونها إلا إنه أخذ منها الصحه والعافيه.
شموخ مريضه بسرطان الرحم من فتره ,وهي تتعالج على أمل أن المرض يزول من غير ما يستأصلوا لها الرحم,ونسيت أقول لكم أن أبو محمد أخوها من أمها,وأمها من أصل سوري, يعني اللي بوصله لكم أن هي بدويه وأخوها حضرمي.
كانوا جالسين عالغدا والكل مبسوطين مره لأن صحة عمتهم كويسه وتضحك وتمزح معاهم,قال أبو محمد لبنته نوال:ها يا نوال أنتي موافقه على ولد خالتك ولا لأ.؟؟؟
استحت نوال و أتضايقت مره وقالت:لسى أفكر....
قال لها محمد يهدد:أقول لا تحسبين نفسك بتسوين زي عمتك كل ما رفضتيه تـقدم لك...ترا أحنا غير وهم غير ...شموخه محيره لولد عمها وهي ترفضه لأسبابها...وأنتي أضن أن ما عندك عذر ..الولد ما ينعاب..
قال أسامه:أيوه صح المفروض ما تطولين في الرد على ولد الناس ... فشلتينا والله..
تدخلت شموخ عشان تنهي الموضوع:خلاص أتركوها أنا أتفاهم معاها...
سكتوا الكل وبعد الغدا أخذت شموخ نوال على غرفتها وقفلت الباب وجلسوا ع الأرض,نوال قدام شموخ وشموخ متكيه على السرير,
قالت شموخ بجديه:الحين ممكن أعرف سبب رفضك لولد خالتك..
قالت نوال:ما أبغاه..
شموخ عصبت:كيف يعني ما تبينه؟؟ فهميني أبغى أعرف..معليش مخي ماخذ إجازه ذي الأيام...
نوال بحيا:إذا وافقت عليه وتزوجني راح ياخذني معاه لكندا عشان دراسته..
شموخ :أيش فيها لا أخذك معاه.؟؟..هو ما راح يذبحك..
قالت نوال وعيونها عالأرض:بس هو ما يحبني زي ما مشاري يحبك...
حزن عميق طغى على وجه شموخ,ودمعه كانت بتنزل من عينها لكنها وأدتها قبل ما تشوف النور,قالت والحزن باين من نبره صوتها:نوال مشاري يختلف عن عوض, مشاري محيرني من يوم ما أنا في سنك..وعوض أختارك من بين كل البنات اللي يعرفهم وجا يخطبك..
قالت نوال :يعني عوض راح يحبني زي ما مشاري يحبك؟؟.
قالت شموخ:أاوووووووووه راح يحبك أكثر من مشاري كمان..وراح تقولين شموخه قالت..
ابتسمت نوال بحيا وقالت :إنشاء الله...
قالت شموخ بحماس:يعني أقول لهم إنك موافقه ؟؟؟
قالت نوال بمكر:لا بشرط؟؟
شموخ:أيش هو شرطك..؟؟؟
نوال: ترجعين لمشاري وبيتك...
عصبت شموخ :أنتي ما لك دخل فيني ...لا تحشرين نفسك في المواضيع هذي ..
نوال قفلت معاها:والله لو ما ترجعين لمشاري وربي ما أوافق ولا على عريس..و أقعد هنا جنبك..
شموخ شويه وتبكي من العصبيه:لا..توافقين عليه يعني توافقين عليه,,يا غبيه بتضيعين مستقبلك..
قالت نوال والدموع في عينها:زي ما أنتي بتضيعين عمرك وعمر مشاري أنا بضيع مستقبلي وما راح أوافق على ولد خالتي..
قالت لها شموخ بيأس :أنتي قدامك العمر كله تزوجيه وروحي عيشي حياتك..أنا سنتين أو ثلاث سنوات وراح أموت...
نوال عصبت مره و عطتها كف وخرجت من الغرفه وفي طريقها خبطت في محمد.
محمد طالع فيها مستغرب وراح وراها قال لها :نوال أيش فيه..؟؟؟
لفت عليه وقالت بعصبيه:عمتك هذي بس بموت وبموت ...قهرتني وضربتها كف ..
قال محمد وهو يروح لغرفة عمته:أوووف قويه..
دخل عند شموخ ولقيها قاعده وحزينه مره,جلس جنبها وقال بحنيه:ليش يائسه من الحياه ؟؟؟ربي رحمان رحيم وراح يشفيك من المرض أنتي اعتمدي عليه اعتماد كامل وراح تشوفين...ماتفتكرين البيت اللي يقول"ضاقت ولما استحكمت حلقاتها فرجت وكنت أظنها لا تفرج"..
طالعت فيه بابتسامه باهته وعيونها تحكي الألم والتعب اللي تعانيه كل يوم وقالت:ما نسيت وما راح أنسى..
قال لها محمد بتوتر: طب قومي سلمي على عمك يباك تحت..
استغربت شموخ وقالت :عمي تحت؟؟...أي واحد فيهم عندي أربع عمام..
قام محمد وقال وهو يخرج من الغرفه:عمك أبو أحمد-أبو مشاري-بسرعه يبغاك..
قامت شموخ مرتبكه عمها ما يدري بالمشاكل اللي حصلت بينها وبين مشاري ,قفلت الباب و بدلت ملابسها,لبست بنطلون جينز غامق وبلوزه بيضا أكمامها طويله وتوصل لنص الفخذ مرسوم عليها وفيها خرز ملون حلو,فردت شعرها الناعم وكان يوصل لتحت رقبتها بشويه ,وكحلت عيونها الحلوه الناعسه وحطت لها مرطب على شفايفها الورديه,لبست صندل وردي فيه ورده على الجنب,ولبست إكسسوار بسيط في يدها ونزلت,شافت محمد واقف لها عند الدرج وشكله معصب منها,قالت له مستغربه:بسم الله ...أيش فيك واقفلي زي قرن الشيطان؟؟
قال محمد :يالله بسرعه عمك يبغاك..
راحت للمجلس بسرعه ودخلت وسلمت على عمها اللي ترحيبه لها ما أختلف رغم أنها ترفض ولده كل ما تقدم لها,جلست جنب عمها وقال لها:كيفك يا شموخ العرب..
ابتسمت شموخ لعمها من صغرها وهو يناديها كذا,قالت بابتسامه تذوب:والله بخير يا جعلك الخير يا عمي...
قال عمها:تاخذين دواك كل يوم؟؟
قالت بابتسامه: أخذه بمواعيده..ومستحيل أفرط في صحتي يا عمي ...
قال عمها أبو أحمد:يا جعلك العافيه إنشاء الله ..وأشوفك عندي بالبيت مع مشاري وعيالكم..
لفت شموخ وجهها للناحيه الثانيه تواري دموعها اللي كل ما تذكرته ولا حد جاب سيرته نزلت,لاحظ عمها الحزن اللي كسا وجهها الحلو وقال:الله يصبرك يابنتي..الله يصبرك على ما بلاك به..
قالت بصوت مجروح:آمين..
دخل محمد وهو شايل صينية فيها تلاجه الشاهي وأكواس الشاهي الغريبه من النوع اللي منقوش عليه بالفضي, حط الصينيه وهو يقول :حياك الله يا أبو أحمد..
قال أبو أحمد:الله يحييك..
صب محمد الشاهي وأعطاه لأبو أحمد,وجلس جنب عمته,وطول الجلسه وأبو أحمد يتكلم عن مشاري ,هو ما كان متعمد هو كان يتكلم عن ولده زي أي أب مفتخر بولده,لكنه ما كان يدري إنه يزيد الطين بله, ويحط الملح ع الجروح, وكان كل كلمه يقولها تذكرها بماضيها مع مشاري, وكانت يالله ماسكه نفسها لا تصيح.
وبعد نص ساعه استأذن أبو أحمد وراح,وشموخ بسرعه طلعت لغرفتها وقفلت على نفسها الباب,وجلست على الأرض تبكي من حر قلبها وتشاهق,قالت تكلم نفسها بصوت مخنوق:آه عليك يا مشاري وربي ماقدر أرجع لك...وربي ماقدر""
قامت وكل شي فيها محطم من صحتها اللي الله عالم فيها,لين حبها اللي لسى ما شاف النور وهي تبى تدفنه,جلست على كرسي المكتب وحالتها حاله,وكان اللاب توب شغال ,وكأن الطرف الثاني كان حاس بها ,وصلتها رساله على بريدها ,فتحتها وكلها ألم وقرت المكتوب:
(((أأأسييير حبك ولكن في الغراااااااااام أأأعشقك..
يااا غاالي في عيوني بالغلا مشتريك....
ودي أشوفك لكن قبلها بسالك!!!....
[[تولعت ]]فيني مثل ما ني [[متولع]]فيك؟؟؟
أشتـــــــــــــاق لك بالدقيقه..كيف ما أشتاق لك؟؟........
كم ليله في لذيذ النوم حلمت فيك؟؟....
وأفز من النوم في غرفتي وأتخيلك!!..
مراااات أفكرك قدامي وأسلم عليك؟؟؟...
ومراااات أطالع لحسنٍ فيك وأتأملك!!....
وأخاف من عين حاسدك وأسمي عليك......!!
قريب مني و لكن كيف أنا بوصلك؟؟؟
يااا جعل الأيام تسمح لي بشوفك و أجيك...
عشان نظرات عيني يالغلا تحتويك...
بالحيل ..بالحيل [[احبك]]حبيب الروح وأرتاح لك...
بقولها لك بكل الصدق ما أجاملك....
[[يا غاالي في عيوني بالغلا مشتريك]]
"دموعك غاليه عليه الله يخليك امسحيها...وصدقيني:
لو إن البكا يشفي من العله مصاب..ما ظل واحدٍ في الجزيره ما تفجر مدمعه,,
عاشق شموخ العرب...,,,
مشاري )))
ابتسمت ,قالت تكلم نفسها""يا رب اشفيني وكحل عيني بشوفة مشاري يارب أنا تعبت كثير اشفيني وكحل عيني بشوفته"",,,,,,,,حفظت الرساله وبدأت تقرا رسايله القديمه,منها هذي الرسايل:
(((كان هالدنيا خذت مني وجودك..
تتعب الدنيا ولا تاخذ غلاك..
وكان هالأيام تحرمني أشوفك..
الأمل بالله يجمعني معاك..
وإن قسى وقتي وأمنعتك ظروفك...
حااااااااااالف مانسى محبتك وغلاك..
ولا يغرك سكوتي ..ترا البعد ""ما ينطاق""
دمعتي في عيوني وقلبي من الوله "مشتااق""
لو يفارقني صوتك..ما يفارقني ""غلاك""
تعرف إني أعزك وأحن للجلسه معاك...)))
وسبب هذي الرساله إنه فيوم جا ورفضت ترجع معاه أو تشوفه.
ومرت على بريد ثاني منه وهي تمسح دموعها.
(((أبغاك تعرف!!!
أنه لا يمكن إحساس قلبي يخليك...ولو الشعور بداخل قلبي مااااااات...
العمر يمضي!!!
ونصه يناديك..والنص الثاني يمسح دموع الآهات...
مستحييييييييييييييل أتخلى عنك وأقول ناسيك...
أنا...لآخر...يوم ....في .....حياااتي....باكون.....وياااااااااك ...وشاااريك)))
******************************************************
**********************************************************************************
%%وقفه%%
-نسيت أوصف لكم مشاري-عمره(26سنه),شاب عادي وسيم ,يدرس محاماه,يتميز بطوله وعضلات جسمه,ورشاقته ,شعره طويل شويه وناعم,ولونه أسود زي الفحم,ملامحه حلوه توحي بالمكر,عيونه ناعسه حلوه,وفيها شي مميز أن كل عين لون-سبحان الله,بنت خالة صاحبتي كذا عيونها_,عين عسلي وعين زرقا,
وطبعاً السكسوكه لابد منها,,وحبّوب وطيب ويحب الشِعر والتمشية....((يعني واحد فلاوي))..
*****************************************************************************************************************************************
o0oعاشق شموخ العربo0o
في طرف ثاني من مكه كان مشاري جالس في غرفته وفي حظنه الاب توب وسرحااااااان يفكر بقلق"ياربيييييييي حنن قلبها عليه يارب....يارب تشيل الهم عن قلبها يارب"
دخل عليه أخوه فيصل و لقيه سرحان كالعاده,,قام يغني له :من يقول إني لغيرك....أنا لك ماني لغيرك...أنا متعلق مصيري يا حبيبي بمصيرك...
طالع فيه مشاري بنظره ورجع لسرحانه,راح فيصل وجلس جنب مشاري وقال له:أش فيك يا خوي حالك ما يسر بس سرحان وتفكر...حتى الأكل عايفه ما تاكل زي الناس قولي أشتكيلي...أنا أخوك فصول الحلوووو...كيف تشوفني وما تشتكي لي....
قال مشاري :آاااااااخ يا فيصل كلت قلبي ..
قال فيصل بفجعه يستهبل:وأنا أبن أبوي..من هي؟؟؟
مشاري بقلب معذب:شموخ يا فيصل ..شموخ العرب...شموخ قلبي...حرمتي اللي مقاطعتني... قطيعه تقطع بليس..
قاله فيصل بتقرير واقع:طلقها ما تباك..
هنا قام مشاري كأنه ملسوع وقال بعصبيه:تبطي عظم...
قال له فيصل:والله أن فيك لفه –مهبول- البنت لك ثمن مرات رايح لها وهي ماهي راضيه تشوفك حتى....حتى السلام ما تباه...
مشاري عصب هو الثاني:وأنت أيش دخلك فيني؟؟..أنا أحبها و أبيها ولو فيها قص رقاب..
قال فيصل وهو يخرج:أنا غاسل يديني منك من زماااااااااااااان..
جلس مشاري على السرير ورجع لسرحانه,شويه إلا وتدخل أخته مروه وهي تكلم بجوالها بالسماعات,وراحت جلست جنبه وهي تقول: شموخ عيدي ما سمعتك..
من سمع مشاري أسم شموخ على طول أخذ وحده من السماعات وحطها في إذنه,سمع شموخ تقول:أقول كأن مشاري يحس فيني لا زعلت ويرسل لي ع الأيميل,,-برومانسيه- رسايله تجنن كلها عندي من أول رساله...
بغى مشاري يصرخ من فرحته,قالت مروه:طب دامك تحبيه ليش ما ترجعين له وتفاهمين معاه يمكن توصلون لحل؟؟
شموخ بحزن :آه يا مروه نفسي أرجع البوم قبل بكره لكني ما أقدر...
مروه:ليش؟؟؟
شموخ أتنهدت بحسره بغى قلب مشاري يوقف بسببها,قالت:بسبب السرطان ماني قادره ..أنا أتعالج ذالحين وإذا ما فاد العلاج راح يستأصلوا لي الرحم ..وتعرفين مشاري يحب العيال..وهو بعدين يقعد طول عمره بدون عيال؟؟؟....والله ما أرضاها له....
أيش يسوي مشاري يقطع نفسه,والله أن فيصل ماله حق يقول له طلقها,قالت مروه بمكر:أقول شموخه أنتي قد أيش تحبين أخوي مشاري ؟؟
حست شموخ بوجود مشاري فجاوبت:راح أجاوب للي له حق السؤال مو أنتي؟؟
كان مشاري بيتهور ويسألها ,لكن اللي منعه مروه,وقالت لشموخ :والله تجاوبيني الحين ,مو إحنا ما نخبي على بعض..
عصبت شموخ وقالت:ليش تحلفين؟؟؟ما أبغى أقول..
قالت مروه:قولي يالله حلفت عليك....
سكتت شموخ فتره بعدين قالت:أطلب بحقي بالسكوت وعدم الأجابه..
قال مشاري يهمس لمروه:إجابات دبلوماسيه جباره...
حطت مروه يدها على فمها تكتم ضحكتها,من كلام مشاري لأنه قالها بطريقه مأساويه,,قالت مروه:أقول شموخه تعالي عندنا اليوم..
قالت شموخ:لا عيال عمي فيه وأنا أستحي منهم..
قالت مروه تحرجها وهي أصلاً عربجيه وما عندها أسلوب:ليش تجمعين هوكله فصووول أبو طويله وما يقعد في البيت-بدقه- قولي مستحيه من مشاري ولا ما تبين تشوفينه وترجعين معاه..
قالت شموخ بفشله:والله إني مستحيه منه من كثر ما رفضت أشوفه...وتعرفين مشاري ما ينعاب ورجال عن ألف رجال...ومالي الحق باللي أسويه..
مشاري خلاص حالته ما تنوصف,قالت لها مروه:والله لو ما إنك بنت عمي كان ذبحتك بيديني...لكني عاذرتك مو عشان شي عشان أخوي المسكين عاشق شموخ العرب..
سكتت شموخ وما قالت شي لأنها تقتل القتيل وتمشي بجنازته وكل هذا غصب عنها وأنتم عرفتوا السبب,قامت مروه قالت بدفاشتها:ها قولي بتجين ولا شلون؟؟
قالت شموخ:لا ماني جايه عندي مراجعه ...
قالت لها مروه :يوووووووووه نسيت إن عندك مراجعه..بس يالله بكره بجيك أنا..
قلت لها شموخ:طيب أستناك انا بكره...تبين شي, الحين طالعه..
قالت مروه:انتبهي على نفسك ..
شموخ:إنشاء الله ,أدعيلي ....يالله مع السلامه..
مروه:مع السلامه..
وقفلت منها,مشاري أنسدح ع السرير وقال :قولي آمييين..
مروه:آمين...
مشاري من قلب عاشق:جعلني فداها يا رب..
إلا بفيصل يغني من عند الباب:بلا حب بلا أوجاع قلب.. وش جانا من ورا ها الحب...
غير الألم غير التعب ....وش جانا...
قال مشاري بشوية عصبيه:فيصل إنته آخر واحد تتكلم عن المواضيع هذي فاهم..
قال فيصل بنظرة تهديد:نصيحه مني يامشاري..أسمع كلامي وحطه في بالك...أترك البنت لأنها مو ناقصه اللي فيها مكفيها..
عصب مشاري:و أنت أش عليك مني؟؟؟حد أشتكالك...بعدين لا تدخل في مشاكلي مع زوجتي..
قالت مروه تنهي الحرب اللي في بدايتها:خلاص فيصل روح ما لك دخل فيه..
راح فيصل وهو معصب كالعاده بسبب مشاري,قالت مروه لمشاري اللي نفسيته زفت:طنشه أصلاً هذا ما يجي منه خير..
وخرجت من الغرفه وراحت لأمها اللي كانت جالسه عند التلفون ودوبها قافله من أختها,قالت مروه:أميييييييييي مين كنتي تكلمين؟
قالت أم أحمد:كنت أكلم خالتك ..جايه هنا عشان تعتمر...
كانت مروه بتجنن,قالت بحماس:قولي والله..
قال فيصل الل كان خارج من البيت:لا قومي اضربي بالله قومي ...
كشرت مروه وقالت:أمي أش شوفي ذا الدب ما سويت له شي...-شهقت كأنها أفتكرت شي خطير-يمممممممممممممماااه تدرييييييييين أن شموخه يمكن راح تتعالج بالكيماوي بعد شهرين...
حزنت أم أحمد على شموخ البنت المؤدبه الحلوه اللي ملكت قلب ولدها وولدها ملك قلبها وقالت بحزن:الله يكون في عونها مسكينه..
قالت مروه بحزن:آاامين...-رجعت لرجاجتها-يمممممممممممماااه بكره بروح أزور شموخه..
قالت أمها:لا بكره بتجي خالتك وما فيه أحد يساعدني غيرك...
قالت مروه:طيب..
************************************************************************************************************
[/td][/tr][/table]
موضوع: الأماكن ((حكاية إحساس)) >>المعدله 
